Artículos

Dende o ano 1981 o Domingo de Ramos ten para as xentes da comarca un caracter especial ligado ao viño. O Amandi  compartiu a súa fama mundial coa  denominación de orixe Ribeira Sacra . Podemos dicir que o viño de Amandi é a semente desta denominación.

A proba da última colleita reune cada ano a centos de persoas participantes do festexo. Todo isto converteuno nun evento de Interese Turístico.

A Ribeira Sacra, oficialmente candidata a Patrimonio da Humanidade atopa neste concello un  dos seus puntos fortes para ser merecedora da distinción. O embacardoiro, os miradores, os castros, petroglifos, olería, adegas, románico e gastronomía conforman un cóctel irresistible para un turismo cultural e un ecoturismo.

Nos seguintes videos podes ollar algo do que se viviu en Sober o domingo de Ramos, día grande da Feira do Amandi. 

O primeiro video amosa anacos do programa de radio realizado simultaneamente á celebración do evento. O alcade do concello, Luis Guitián fai as os agradecementos previos ao concello do Saviñao invitado este ano, a banda de Gaitas de Sober que cumpre 130 anos de historia e a todos os adegueiros e persoas e amigos do territorio. Deseguido María do Ceo explica en que vai consistir o seu pregón.

O segundo video amosa o ambiente anterior e posterior ao pregón onde podemos ver ademais   algo da  exhibición de talla con motoserra ralizada polo escultor Eugenio Linares.

O terceiro video recolle partes da  actuación de María do Ceo onde se ve a paixón con que cantou aos viños da Ribeira Sacra e coa Banda de Música, María la Portuguesa.