Publi-Reportaxes

14 de xullo Feira Tradicional Outrora 2017

Valoración: 5 / 5

Star activeStar activeStar activeStar activeStar active

Galería Fotográfica Outrora Rubián 2017

O xoves día 13 de xullo,  no salón de plenos do concello de Bóveda a presentación oficial da XV Feira Tradicional Outrora á que asistiron representantes da Deputación de Lugo e da Xunta de Galicia.

 

 

AUDIO DA PRESENTACIÓN

 

 

 

E moi importante a escenificación  tradicional que unha vez ao ano polo día da feira do 14, se leva a cabo na vila de RUBIÁN - BÓVEDA

Dende  fai quince anos aos postos habituais da feira do catorce añádenselle outros de venta de produtos autóctonos e artesanais. Hai  demostración de oficios tradicionais, música de gaita e baile galego, xogos para os más pequenos con festa da escuma. Este 2017 tamén haberá actuación dos membros da asociación de fiandeiras Bolboreta e as oito, como ven sendo costume, a  representación etnográfica da malla có motor. As nove do serán  a proxección audiovisual na capela do Ecce Huomo, este ano do proceso do liño pola Asociación San Bartomeu de Ínsua, mentres  uns cantos preparan a fogata cun bon lume para asalos iscos  en guizos como Outrora e logo todos os presentes poder saborear . Deseguido música onde o baile en parella pon fin á xornada.

Cabe destacar a exposición de vehículos antigos que vai permanecer a vista de tódolos que se acerquen o próximo venres catorce a RUBIAN. Comezou fai tres anos coas bicicletas e o ano pasado xa se puido ver algunha moto.

Deste xeito a area de promoción sociocultural do concello de Bóveda, conciencia á xente para a restauración e recuperación de vehículos que nunha época non moi lonxana eran a envexa de todos os que non os posuían e que na actualidade están semi esquecidos nun curuncho do patio, e que grazas a esta iniciativa lucen para o público nesta feira de RUBIAN.

  

Enlaces a anos atrás

Enlace a lista de reproducción de videos

14 de xullo, 2016 - Feira Tradicional Outrora - Rubián - Bóveda

http://www.aldeasgallegas.com/Outrora2015.htm   

http://www.aldeasgallegas.com/Outrora2014.htm  

http://www.aldeasgallegas.com/Outrora2013.htm

http://www.aldeasgallegas.com/outrora2012.htm   

http://www.aldeasgallegas.com/feiraoutrora.htm 2011  

http://www.aldeasgallegas.com/feira/artesanos.htm  2008

http://www.aldeasgallegas.com/outrora.htm Malla Tradicional

 

 

imprimir Correo electrónico

Feira do Viño de AMANDI 2017

Valoración: 5 / 5

Star activeStar activeStar activeStar activeStar active

 

Máis Info, outras edicións.

Feira do Viño de AMANDI 2016    Feira do Viño de AMANDI 2015    Feira do Viño de AMANDI 2015 - CATA   Feira do Viño de AMANDI 2015 SELFIES    Feira do Viño de AMANDI 2014    Feira do Viño de AMANDI Información xeral

GALERIA DE IMAXES PUBLICO 2017

Un mes antes do domingo de Ramos, día grande do AMANDI, xa comezan as actividades que o concello organiza para a difusión e promoción deste e outros produtos da comarca.

A presentación do cartel escolleito para edición XXXVII da feira fíxose  no miradorio da Pena do Castelo en Doade.  Xosé Carlos Quiroga Losada,  deseñador gráfico da comarca, tivo que competir con 39 autores máis que se presentaron á competición. Un cartel alegre, orixinal e representativo.

Moitos  traballos de carteis presentados para esta edición foron de  gran calidade artística, nada  doado elixir gañador pero ao fin o xurado tivo que tomar a decisión.

A escola de hostalería da Fundación Belarmino Fernández, este ano en organización coa  IXP Castaña de Galicia,  ofreceu unha xornada de Maridaxe.

Tamén tivo  lugar a presentación da Asociación de Apicultores da Ribeira Sacra,  con sede en terras soberinas, nunha xornada onde o mel  e outros produtos apícolas  foron os protagonistas.

Outros dos actos que se ofreceron foron:-

Unha xornada técnica organizada pola estación de viticultura e enoloxía de Galicia sobre a estratexia de control do mildeu na vide, outra xornada sobre “A imaxe dos viños”  etiquetado, tendencias, ferramentas e normativa a cargo de Bruno Lovelle, sumiller e creador do proxecto empresarial vinosacra.es

 A elaboración dun adhesivo co debuxo gañador do III concurso infantil que pra os centros de ensino de primaria da comarca se convocou.

A elaboración de tallas de madeira, pezas de artesanías que formaron parte do mobiliario da feira do viño deste ano e que se fixeron en concurso e con motoserra.

FIN DE SEMANA DA FEIRA

As once e media do sábado oito de abril có disparo das bombas de palenque deu inicio a XXXVI edición con apertura oficial as doce pola adega MEZQUITA en lembranza do seu fundador Pedro López Fdez. Pola tarde Precata Oficial , e despois concerto da banda de música de Sober e pra remate da xornada coa actuación estelar  de Rosa Cedrón  

Rosa Cedrón, a pregoeira deste ano recoñecida pola súa participación no grupo Luar na Lubre como chelista e voz do grupo ao longo de dez anos, tamén participou con Mike Olfield e se asociou coa recoñecida e querida gaiteira Cristina Pato, entre outros artistas.  En maio de 2016 saca o seu disco “Nada que perder” en solitario  coas súas propias composicións.

O domingo 09 de abril, día grande do viño de SOBER, charanga, pasarúas e misa solemne coa bendición de ramos  van ambientando a mañá. Mentres na sala de catas do Centro sociocultural a cata Oficial lévase a cabo por  Dona Marta Fdez, enóloga e directora do Centro Superior de Hostería de Galicia, D. Alfonso Losada, xefe da sección de enoloxía da Estación de viticultura e Enoloxia de Galicia, Dona Monserrat López, enxeñeiro agrónomo e enóloga, membro do panel de cata da D.O Ribeiro, Dona Patricia Presas, enóloga e membro da Asociación Galega de Enólogos e D. Francisco Javier Rguez  membro do Comité de cata D.O. Ribeira Sacra.

Coa recepción de autoridades e o pregón de Rosa Cedrón chegouse ao punto álxido do celebramento, o sr. Alcalde de Sober, Luis Guitian  fixo entrega dunha peza de oleira a fermosa artista e tamén ao alcade do concello convidado de Nogueira de Ramuin quen tamén correspondeu  cun  detalliño aos de Sober e trasladou ao publico asistente  a invitación para visitar o patrimonio cultural  có que contan a outra ourela do Sil., igrexas románicas, conxuntos megalíticos  ou o Parador Nacional de Turismo de Santo Estevo de Ribas de Sil.

 ENLACE A VIDEO RESUMO "https://www.youtube.com/embed/T40u7AXPtI4"

imprimir Correo electrónico

Feira Guímara - 2016

Valoración: 5 / 5

Star activeStar activeStar activeStar activeStar active

Enlace a LISTA DE REPRODUCCIÓN VIDEOS 2016

Enlace á tenda de retratos de Eventos   Saber máis da historia

 

 O sábado día 9 de xullo  inauguróuse ás once e media da mañá a terceira feira medieval Guímara con pregón a cargo do secretario do concello Rafa, en edicións anteriores estiveron a poetísa Olga Novo e o arqueólogo Xurxo Ayán respectivamente.

As doce do medio día tivo lugar a representación da revolta guímara

Deseguido demostración de oficios tradicionais, exhibición de cetraría e  grupo de gaitas amenizando a xornada.

As catro e media da tarde alumnos do  colexio Público da Pobra do Brollón fixeron unha dramatización histórica do acontecento.

Continuóuse coa demostración de oficios e a exhibición de cetrería  ademais de xogos tradicionais para os mais pequenos.

As nove do serán actuación do grupo "Troula Animación" e un remate de festa cun "Combate Medieval por cargo de "Hípica Celta".

______________________________________________________

 

 "A Pobra do Brollón, un dos  escasos "territorios de realengo" que conservou en Galicia a Coroa. Tódalas aldeas deste territorio durante  a idade media eran, polo tanto, de realengo que son os que teñen por  señor a “Su Majestad, Dios le guarde, sin que se reconozca otro señorío ni por esta razón se pague cosa alguna a ningún señor”. Un privilexio para a nosa terra  nesa época de tantos séculos  que abarca a idade media, xa que a maior parte do territorio de Galicia era de xurisdicción señorial ou de abadengo, sendo escasas as terras de xurisdicción real."

    Alá por o 1494, os Procuradores de A Pobra do Brollón,  Gonzalo de Losada e Xoan Franco, denunciaran os Reixes Católicos que:  "el Conde de Lemos y sus oficiales obligaban a los vecinos de Puebla a realizar una serie de serventías y fazenderas, con es ir a labraren en su cavas e ferrerias, e en otras cosas, e faziendo cortar madera e que los dichos las llevasen a sus casas sin les pagar por ello salario alguno". Referencia: La Nobleza gallega en la Baja Edad Media, de P. García Oro

Os Reies reprenderon ós Condes de Lemos por tales abusos, pero ós poucos días,  esos mesmos Condes quixeron impor un novo dereito que incluía o pago da quinta parte de pan e do viño que se recollían en dita terra do Brollón. Os veciños resistiron unha vez mais e pediron os Reies unha solicitude de Amparo, e os reies tiveron que recordarlles unha vez mais aos feudais de Lemos que a terra da Póboa era de realengo e que semellantes exaccións foran prohibidas por as cortes de Toledo no ano 1480.

As aldeas do concello  de A Pobra do Brollón,  sí, debían de pagar un tributo ós Condes de Lemos, o famosamente nomeado  "Alcabala Vieja", imposto que alá por 1750, seguían pagando todolos veciños, como se desprende da catastro do Marqués da Ensenada. Probablemente este imposto tivo orixe na época onde os Guímaros pelexaban cos  feudais e foron vencidos. Referencias encontradas no libro "Apuntes para la historia de Monforte de Lemos" de Luis Moure-Mariño. 

 

 

Fuente http://www.webpino.com/historia_galego.htm

 

 



 https://youtu.be/BXphE7pa12g?list=PL1rPX3sk_9YRKzO8KEmQDTBeti6n-QWRV

 

imprimir Correo electrónico

Mostra do viño da Ribeira Sacra de Pantón e Rutas do Románico 2016

Star inactiveStar inactiveStar inactiveStar inactiveStar inactive

 

 Introducción e románico da zona  Enlace a reportaje edición 2015  

 

http://aldeasgallegas.com/ferreira.htm

http://aldeasgallegas.com/ferreira2015.htm

Os Viños Pantón

As oito adegas seguintes foron as que puxeron a disposición do público asistente os seus viños para degustación e venta.

Adega Losada Fernádez que produce uns vintecicomil litros de mencía da D.O. Ribeira Sacra.

Segundo as horas de sol dos seus viñedos, a súa localización esí os embotella. No lugar de Doade producen para a súa marca viña Caneiro, na finca de Amandi producen o viño para Pena Lobo e outra marca  que producen na ribeira do Miño pertencente a Pantón  e a destacada nesta feira.

Adega Prior de Pantón ten os seus viñedos no lugar de Budián cunha producción de sesenta mil litros de mencia que embotella coa súa marca estrela Finca Cuarta. Na actualidade está tamén a producir branco, da variedade Godello, uns tresmil litros.

Adega Capilla, de D. Enrique Gómez produce para a D.O. entre 5000 e 6000 litros  na parroquia de San Román de Acedre.

Adega Ciudadseis de Mª Gloria Alvarín Losada, ten unha producción duns 8 mil litros, catro mil en terras soberinas e outros catro mil no lugar de Celamide en Pantón de ahí o seu nome na botella.

Adega Casa Moreiras que ten  os seus viñedos na parroquia de San Martiño de Sios. A súa producción está entre setenta e oitentamil litros de mencía e entre trece e dezaoitomil litros de Godello.

Adega Nogueira cultiva os seus viñedos no lugar de Deade cunha producción duns quince mil litros que vende maioritariamente a granel embotellando uns dous mil litros coa sua marca.  A variedade é mencía e pode conter algo de Xirak

Adega Pena das Donas cultiva os seus viñedos na parroquia de San Vicente de Pombeiro. A base de mencía dun 85% produce dezaoitomil litros e a base dun 85% de Godello embotella uns mil litros.

Adega Finca Millara como indica o seu nome prodúcese na Millara en Pantón. Cunha producción anual de sesenta mil litros de viño tinto os cales embotella segundo  o proceso de elaboración. Así esta marca ten viños Reserva onde unha botella pode alcazar os sesenta Euros ata viños de Crianza en Barrica e viños xovens. En branco están a producir uns catromil litros da variedade Godello.

Nesta feira ademais dos típicos postos de roupa e polbo unha sección de `productos da zona ou redores.

Así dende Escairón embutidos Reina dende Tuiriz a súa panadería con especialidades en pan e empanadas, dende o mesmo Pantón outra docería "Tarrazo" con roscós, tartas de amendoas e doces varios, un posto de bisuteria  en madeira de Buxo reutilizada dende Sarria,  e  coiro e xabóns artesáns doutras localidades .

 

 

 

 

 

 

 

imprimir Correo electrónico

XVI Feira Tradicional Outrora

Star inactiveStar inactiveStar inactiveStar inactiveStar inactive

Rubián - Bóveda

XVI Feira Tradicional Outrora

O cartel presentado co lema: "Zoca Contemporánea Reinventando o tradicional" por Sheila Pérez González, deseñadora de interiores de Monforte que rexenta o estudo Espazo Nu, foi o gañador do VII concurso de carteis para ser imaxe da XVI edición da Feira Tradicional Outrora de Rubián - Bóveda, celebrada o 14 de xullo.

Nesta edición puidéronse ver varios postos de artesanía en costura, polo menos tres oleiros, un fragueiro, un canteiro e un ferreiro. Marroquinería, talla en cristal e posto de instrumentos musicais artesanais galegos. Integrantas da asociación Bolboreta exhibiron ás novas xeracións como outrora fiaban a la ou preparaban o liño. Coa súa reliquia de tear asistiu Natividad Chaos de Portela, Samos, quen este día pon á venda os traballos que realiza nel ao longo do ano. Fulares, chales de liño, algodón ou ambos. Acompañando ao tear, ferramentas do proceso do liño tan habituais fai un cento de anos, distintos aparellos clásicos de cociña de antigas lareiras, distintos xugos do gando e varias lámpadas de iluminación antiga, non tan doadas de admirar en conxunto na actualidade.

Roscas de Sober, marmelo e queixos artesáns déronse cita nesta consolidada celebración do tradicional. A aceptación destes produtos entre o público asistente fai que se esgoten as existencias en poucas horas.

Este ano na carpa situada no centro do campo actuou a Banda de Música de Foz para deleite dos asistentes que puideron gozar da interpretación de varias obras ata que chegou a hora do xantar.

Na concentración de vehículos antigos puidéronse ver algúns coches clásicos de finais dos sesenta ata principios dos oitenta e tamén dúas motos que veciños do concello achegaron para exhibir no lugar.

O bo tempo acompañou ao longo de toda a xornada aínda que momentos antes da malla tradicional as tormentas ameazaron con impedir a representación. Afortunadamente, púidose celebrar vivíndose grandes momentos de confraternidade entre os participantes e gargalladas entre os asistentes en numerosos momentos nos que se intentaron levar a cabo fazañas de poderío por algúns. Nesta malla participan entre outros, membros do equipo de goberno do concello. O alcalde, José Manuel Arias, é un dos que cada ano traballa con máis entusiasmo. O equipo da malla distínguese pola súa vestimenta ao estilo tradicional, con chapeu de palla, pantalón de pana, camisa a cadros e ata algún con zoca.

 

Mini-vídeo resumo.

 Video cortesía de Peruchela.

E para rematar, engado a participación dalgún consolidado anticuario, dun muiñeiro de pementa que triunfou ofrecendo este produto moído ao instante ao público, que se quedou impresionado pola elaboración do produto. Había cesteiros, entre eles algún ourensán que a moi bo prezo púxoos a disposición de todos. Postos de libros, de tallas en madeira e de xoguetes tradicionais. Posto de artesanía para decoración, lousas pintadas a man con motivos tradicionais, pendentes, chaveiros e pulseiras en coiro e moito, moito máis que durante medio día conviviu coa feira de sempre e que a partir da tarde permaneceu ata a hora da malla.

 

 GALERÍA FOTOGRÁFICA

Enlaces a vídeos

12:30 h. Actuación Banda de Música de Foz
20:30 h. Recreación etnográfica da Malla


Enlace relacionado Enxebre WEB

imprimir Correo electrónico

Feira do Viño de AMANDI 2016

Star inactiveStar inactiveStar inactiveStar inactiveStar inactive

 

Os herdeiros da adega Proencia, inauguran  esta feira do viño 2016, o sábado  na lembranza do seu fundador, D. Tomás Arias Vázquez

 

O domingo de Ramos no Concello de Sober a pregoeira oficial do evento deste ano, Silvia Jato Presentadora de TV, entre outras facetas,  recolleu  o tradicional agasallo de  Olería de Gundivós que se aprecia na imaxe superior por parte do Concello.

Este ano como concello convidado estivo o de Parada do Sil que ten multitude de vínculos históricos có de Sober. No outro lado do Sil, os cañons, o mosteiro de Santa Cristina, a pasarela do río Mao, os balcóns de Madrid ou a necróples de San Víctor  son algunhas das cousas polas que no ano 2015 fose declarado concello de interese turístico.

 

 

  

 

As 23 adegas participantes desta XXXVI edición da Feira do Viño  de Amandi presentaron o mellor da colleita do 2015, un ano excepcional para os caldos en toda Galicia.

Ainda que son moitos os amantes dos viños envellecidos o público asistente demanda o novo maioritariamente, para coñecer o paladar que se creou coa benevolencia do clima na última colleita.

Os cinco membros do xurado que compuxeron  o panel de cata tiveron moi complicado a elección, escoller tres de vintetres non resulta unha laboura sinxela nin para o xefe da sección de Enoloxía da Estacion de Viticultura e Enoloxia de Galicia, nin para membros da asociación de sumilleres de Gallaecia ou de comités de Denominacións de Orixe, e moito mais complicado de elexir se o que ten que facelo é avogado ou investigador do CSIF.

Ao final a decisión tíñase que tomar e neste caso os viños seleccionados foron : Peón producido en FIGUEIROÁ, Estrela producido en DOADE e  Val da Lenda do Canton de AMANDI.

 

Centos de persoas asistiron ao pregón da guapísima Silvia Jato, unha gran  profesional que resaltou o mellor destes caldos, ás súas xentes, as que o traballan e producen para deleite dos paladares máis sofisticados.

A Banda de Sober, o público asistente , moitos cós ramos ainda na man, o medios gráficos de comunicación, os políticos, os artistas e artesans, isto e moito máis.. o pulpo e postos comúns de feiras, facendo todo isto unha mistura multicultural con relacións públicas rica en variedade de clases e tipos compartindo todos xuntos, nunha gran xornada de lecer.

 

 

 

 

 

 

 

 

 

 

 

Máis Info, outras edicións.

http://aldeasgallegas.com/sober.html

http://aldeasgallegas.com/sober2014.html

http://aldeasgallegas.com/sober2015.html

http://aldeasgallegas.com/cataoficial.html

http://aldeasgallegas.com/SoberSelfie.html

 

 

 

imprimir Correo electrónico

Carreira Popular en MONFORTE de LEMOS

Valoración: 5 / 5

Star activeStar activeStar activeStar activeStar active

 

 

 

ACCESO GALERÍA EVENTO

 Unha iniciativa que xurdiu fai xa nove anos e pretende non soamente ser unha opción para todos aquelas corredores e afeccionados ao running que viven nos redores ou que se desprazan adrede ata a localidade, senón amosar un escaparate de concienciación  a cidadanía da importancia que ten facer deporte.

Un traxecto plano e urbano  discorre na proba dos sete mil metros, que é a máis longa  que se disputa nesta carreira popular de Monforte. Pero correr en Monforte non é como correr nunha gran urbe xa que os enclaves naturais cós que conta a cidade fan sentirse aos participantes libres de contaminación e envoltos en paisaxes de lenda.

Un recoñecemento para a Policía Local que neste día así como noutras ocasións, tamén é un artífice decisivo para que a cidade non se colapse pese aos cortes das rúas polas que discorre a carreira e se adica a labor pedagóxica da información ao cidadán,  mentres cun ollo supervisa o tráfico e demais necesidades estean cubertas.

Outro recoñecemento para todos aqueles voluntarios, protección civil, Cruz Roxa, que poñen da súa parte para que a convivenza entre os corredores, público e cidadáns que nada teñen que ver coa proba sexa posible.

E como non podía  faltar o recoñecemento a corporación municipal que promove este tipo de eventos e aos demais traballadores do concello que se implican no acontecemento.

 

 

A 9ª edición da carreira popular de Monforte foi este domingo 23 de abril

Detalles do evento deportivo

O inicio das probas de menores foi ás 11 da mañá, mentres que a carreira absoluta saiu ás 12 horas.

“Este evento fai un percorrido totalmente urbano partindo da explanada da Compañía e discorrendo por varias rúas do casco histórico da cidade.

O Alcalde, José Tomé, lanza unha mensaxe de ánimo a todas aquelas persoas que teñan interese en eventos deportivos coma este: “dende o Concello de Monforte animamos a  toda a xente a participar”.

Para acceder aos resultados: https://championchipnorte.com/resultados/ix-carreira-popular-concello-de-monforte-2017/carreira-absoluta-2001-e-ant/1

 

As carreiras que non se coidan non duran mentres que as boas fánse ano tras ano superándose en organización, como está a acontecer coa carreira de Monforte  e tamén,  por mencionar outras do inmediato perímetro,  Chantada que se celebra este domingo 30/04 ou  Pantón que xa vai na XVII edición e que  se celebrará este ano o 27 mayo

Este ano coincidiu  a IX edición coa  celebración mundial do Día do Libro polo que moitas das librarias da cidade do Cabe permaneceron abertas ao longo da xornada e no mercadillo numerosos postos de libros estiveron a disposición dos cidadáns.

 

ACCESO GALERÍA EVENTO

 

imprimir Correo electrónico

XXXVIII Feira do Viño de Amandi

Valoración: 5 / 5

Star activeStar activeStar activeStar activeStar active

Tenda de Retratos do  Evento

 

XXXVIII Feira do Viño de Amandi 2018 o sábado e domingo de Ramos, 24 e 25 de marzo.

Inauguración da Feira

A muller foi a protagonista de esta edición na que participaron  23 adegas. A inauguración oficial correu a cargo da adega Guímaro en lembranza da súa matriarca Concepción Pérez, falecida recentemente aos 99 anos de idade.

No programa de actos da XXXVIII Feira do Viño de Amandi destacaron un ano máis as bombas de palenque que dan incio ao evento, unha por cada adega participante e a choiva non asustou a ninguén.

Estivo adicada ao Concello veciño de A Pobra do Brollón, terra de viño, de poetísas e de tradición.

O sábado á tarde baixa houbo  Concerto de Cristina Pato no auditorio do Centro Sociocultural de Sober. Logo, na praza do concello actuación  dos Parentes e  de seguido de  Gin Toni’s .

 

Audio do Pregón por Cristina Pato  

 

Video Resumo actuación de Cristina Pato o sábado na casa da cultura

 

 

Traballando xuntos  como trío con Miguel Cabana e Roberto Comesaña  presentou  a gaiteira o concerto  como unha pequena viaxe por tódalas músicas que os foran empapando nos últimos anos. Música dende a máis  de raíz a jazz ou experimental. Comezou soando ó tema África por ser a que coloca  a gaita no mapa, explicou a orixe pastoril deste instrumento e de como forma parte de moitas  culturas.

Entre o publico asistente estivo Francisco Conde, conselleiro de Economia e Industria na Xunta de Galicia, Xosé  Manuel  Rodríguez Rguez presidente do Consello Regulador da Denominación de orixe Ribeira Sacra,  José Manuel Arias López  alcade de Bóveda  e  outras autoridades que estiveron desfrutando da actuación xunto  ao alcade de Sober Luis Fdez Guitián .

 



Domingo 25 de Marzo

 

Na Oficina Municipal de Turismo celebrouse a cata oficial da que sairon  as tres adegas premiadas e, por vez primeira, un premio a un viño branco. A cata dirixida por  Bruno Lovelle contou cun convidado de honra, Martín  Barreiro.

Foto Fonte Concello de SOBER Facebook


 

Resumo de momentos do Domingo a mediodía.


12:45 horas. Actuación da Banda de Música de Sober.
13:00 horas. Pregón a cargo de Cristina Pato.
13:30 horas. Entrega de Premios.

E os viños premiados foron :

O Branco   Guímaro

Os Tintos    Cividade ,  Viña PeónDon Bernardino.


17:00 horas. Actuación da Charanga NBA.
19:30 horas. Baile coa orquestra Suavecito.


 

 

Máis Info, outras edicións.

 Feira do Viño de AMANDI 2017

 Feira do Viño de AMANDI 2016

 Feira do Viño de AMANDI 2015     2015 - CATA    2015 SELFIES   

 Feira do Viño de AMANDI 2014    

 AMANDI Información 

 

 

imprimir Correo electrónico

14 de xullo, 2016 - Feira Tradicional Outrora - Rubián - Bóveda

Valoración: 5 / 5

Star activeStar activeStar activeStar activeStar active

Enlace a lista de reproducción de videos

 Enlace á tenda de retratos da Feira

Este 14 de xullo na 14ª edición da celebración desta feira do ano en Rubián novamente chamou a atención  o espazo lúdico cultural  do que se poido desfrutar. Nesta ocasión os postos da feira común instaláronse soamente nas  rúas quedando  reservado para  novos postos de artesáns e oficios tradicionais o campo da festa onde como novidade instaláronse dúas carpas albergando a segunda concentración de bicicletas antigas, tamén  expuxéronse motos e o equipo de fútbol da localidade promocionouse para facer socios no 50 cabodano da súa aparición.

E como estaba previsto as dez e media da mañá abriron as exposicións ao público incluído a de bicicletas .

Os membros da banda de Gaitas e do grupo de Danza municipais actuaron para os asistentes.

Deseguido a banda de Taboada, Juan Montes e a  entrega dos premios da 2ª concentración de bicicletas deron paso ao xantar  como é acostumado nas instalacións privilexiadas coas que conta Rubián. E quen quixo ir comer aquí o "pulpo" ou  churrasco  foi e quen non quixo foi a súa casa ou a unha fonda ou quizais de invitado pero xa todos sabemos que o catorce de xullo a feira e  a troula segue tralo xantar ata ben entrada a noitiña.

 

 

Títeres e obradoiros artesanais infantís e unha festa da espuma a dispor dos nenos visitantes, que unha vez que proban queren repetir así como cós xogos tradicionais interxeracionais. E mentres os nenos xogaban os artesáns continuaron coas súas labouras profesionais, dobregando o ferro, texendo lá, facendo teas e cestos ou pulindo vidreo entre outras exhibicións de oficios eiquí amosadas. A actuación do Grupo de Fiandeiras Bolboreta fixo  deleitar ao público que por primeira vez poido oir aqueles cantos que Outrora os nosos ancestros tantas veces fixeran soar.

Un ano máis  a  Recreación etnográfica da Malla mentres  simultaneamente  na capela se proxectou un documental sobre a construción dun carro galego que tivo moi boa aceptación entre os maiores e mais novos.

A coral de Bóveda  có acompañamento do músico e violinista Yoan Grudikov na capela actuaron entre as nove e as dez do serán e  trala audición fomos a degustar o tradicional “ Isco no Guizo”  e xa para rematar cunha noite de pasodobres para completar esta nova xornada anual lúdico-cultural.

Para moitos foi a primeira vez en Outrora, e ben sabemos os que a coñecemos que se poden repetiran e animarán a máis persoas a coñecer e desfrutar deste gran día de Feira en próximas edicións.

 

 

 

https://www.youtube.com/playlist?list=PL1rPX3sk_9YRVuAiaeaRHg4Tc-iWXnk2G

 

Enlaces a anos atrás

http://www.aldeasgallegas.com/Outrora2015.htm   

  http://www.aldeasgallegas.com/Outrora2014.htm  

  http://www.aldeasgallegas.com/Outrora2013.htm

http://www.aldeasgallegas.com/outrora2012.htm   

   http://www.aldeasgallegas.com/feiraoutrora.htm 2011  

  http://www.aldeasgallegas.com/feira/artesanos.htm  2008

http://www.aldeasgallegas.com/outrora.htm Malla Tradicional

 

 

imprimir Correo electrónico

Mostra do viño de Vilachá de Salvadur

Valoración: 5 / 5

Star activeStar activeStar activeStar activeStar active

Vilachá de Salvadur

Mostra do Viño de Vilachá D.O. Ribeira Sacra

 

Neste 2017 o pregón da XXVI edición desta feira do viño de Vilachá, D.O. Ribeira Sacra, foi pronunciado por unha veciña mais  do concello da  Pobra do Brollón,  unha persoa  do lugar de Pacios de Veiga, Rut Rguez  Ferreiros, que por ser  Técnica da Asociación Galega de Cooperativas Agrarias  dende fai quince anos, ten a experiencia necesaria como para non só dar o pregón senón para estimular  con él aos produtores,  por ser ademais responsable, dende hai outros tres anos,  da area de internacionalización e comercialización.

Entre as mensaxes que dirixiu ao público asistente participounos cales  son os tres tesouros xuntos que posuímos nestes lares: o viño, a paisaxe única e as persoas intelixentes que o conforman.

Suxeriu  un plan de ataque para vender os nosos viños, coa materia prima como gancho, apostando pola calidade e con organización.

Fixo un chamamento á unión para buscar unha estratexia para vender o produto usando todas as ferramentas a nosa disposición.

Elevalo viño de Vilachá a un produto Gourmé con prezos xustos  .

Esta feira é un homenaxe para todos aqueles viticultores que grazas ao seu traballo manteñen vivo o rural e ofrecen a posibilidade para que se sigan a cultivar os viñedos e se podan asentar novas persoas que veñan residir a estes lugares con tan boa calidade de vida.

 

 

 

Otra das particularidades da feira de Vilachá é que acuden varios grupos de cantos de taberna, dendo o serán do sábado, amenizando as xentes que se animan a comezar a cata ese día. A laboura destas xentes asociadas polo gusto de cantar e có obxetivo do mantenemento das nosa cultura musical é  encomiable. 

Gaitas e cantos tradicionais son un continuo acompañamento aos vasos de viño degustados durante os dous días da feira.

 

programacioncartelvilacha17 

 

 

Vir  a Vilachá a esta feira do viño en particular é sentirse realmente en Galicia. pulpeiras, artesáns e cabalos complementan á perfeción ó evento.

 

imprimir Correo electrónico

Viño de Vilachá D.O. Ribeira Sacra 2016

Valoración: 5 / 5

Star activeStar activeStar activeStar activeStar active

Neste singular entorno das centenarias adegas de Vilachá de Salvadur poidéronse catar os caldos da colleita 2015, unha das mellores da última década.

A  XXV Edición da Mostra do Viño de Vilachá. D. O. Ribeira Sacra comezou o sábado 30 de abril pola tarde onde os que ata aquí viñeron poideron catar estes preciados caldos aquí cultivados amenizandos cós cantos de cinco grupos de "Cantos de Taberna"   ata que as nove da noite   unha  chourizada popular e a actuación do grupo de folk " Milesios " puxeron fin a xornada.

O domingo correu a alborada a cargo do grupo de Gaitas da Escola de Música Samoeiro, deseguido reanudaronse as catas polo público asistente nas diferentes adegas coa presenza de cinco grupos mais de cantos de Taberna e o son das gaitas da escola de música Samoeiro.

O Pregón de estivo a cargo do Presidente do Consello Regulador da Denominaciónn de Orixe Ribeisa Sacra,  D. José Manuel Rguez Glez quen lembrou a coincidencia da feira coa do XXV cabodano da formación da D.O. Ribeira Sacra e tamén a toda esa xente que traballou e trababalla polo desenvolvemento desta zona.

 

 

 

 

 

 O tempo acompañou, tanto o sábado como o primeiro de maio o sol foi outro protagonista de esta XXV edición.  Moitos animaronse a acudir a esta cita a pé dende as poblacións de Monforte e redores, outros como cada ano a cabalo xa que o entorno é propicio para a práctica deste deporte.

Poidéronse ver postos de artesáns reposteiros e da pel do concello da Pobra, así como algún máis que veu de concellos do redor. Dende terras de Quiroga veu " Armaior" coa súa artesanía en madeira de oliveira e dende Taboada trouxeron  "Xianas" unha tradicional galleta típica destas terras que agora se comezou a comercializar, dende o Caurel non faltaron os de "Caurelor" cós seus productos elaborados a base de castañas  e de terras de Sober a Olería   tamén veu ata aquí para a súa venta.  Os postos de polbo e churrascos repartirónse entre diferentes puntos do lugar  e tiveron aforo completo.

Varios periodístas  dos distintos medios estiveron presentes un ano máis para dar conta do aquí acontecido.

Dende terras de Ourense "Pablo Doforno" fotógrafo de eventos deportivos poido facer numerosas fotos de cabalos e xinetes.

Ao finalizar a xornada, logo de ter visitado o mirador, voltamos para a casa con ganas de que o ano que ven teñamos a posibilidade de voltar e seguir a disfrutar, do entorno e das súas xentes e caldos.

------------------------------------------------------------------------

Edición 2015

 

As adegas de Vilachá de Salvadur,  son das máis antigas da Península Ibérica.

    " Teñen unha distinción por parte da Xunta de Galicia, que as cataloga como de interés turistico, así como unha especial protección de cara o seu mantemento e posibles restauracións a realizar.

      Nelas celébrase, o primeiro domingo de maio de cada ano, a Cata do Viño de Vilachá, no que se poden degustar os caldos producidos nas tres Ribeiras do Cañon do rio Sil, A de Lagares, a de Val do Frade e a do Eivedo, (Ivedo).

     A uva cultivada é variada, tendo un protagonismo especial a denominada Mencía.

  As adegas encóntranse na zona chamada Avelaira, e dicen os do lugar, que o nome venlle dado por uns monxes, que ó parecer, traían o viño das ribeiras ésas adegas para facelo bon, e que viñan a vixilalo, (A velar), de donde pode vir o de Abelaira.

     Os monxes creese que vivían nun convento na ribeira do Val do Frade, (de ehí o nome da ribeira, Val do Frade), e que nela tiñan o convento, e nesa ribeira hai unha zona que se chama, inda a día de hoxe, “Os conventos”, sitio onde ten aparecido algunha pedra con claras características de antigas construccións de certa importancia.    "

Mais info http://www.aldeasgallegas.com/vilacha/vilacha.htm

 

 

 

 

imprimir Correo electrónico

Destaca tu Evento o Negocio     Enxebre Web