Aldeas

Mosteiro

Valoración: 5 / 5

Star activeStar activeStar activeStar activeStar active
 

 

O lugar de Mosteiro existe moito antes de que alá polo ano setecentos e pico d.C. se fundara xa que no seu territorio está a medorra de Camporredondo de tempos do  eneolítico do 2500 ao 2000 a.C, aquí en Europa.

Descoñecemos como se chamaba por aquel entón este lugar pero sí que o sabemos dende que se funda como parroquia. Os datos transmitidos din que neste lugar había un convento de monxas de clausura da orden de San Benito así como  na parroquia colindante de Freituxe había unha abadía de frades da mesma orde benedictina. Hoxe non quedan vestixios de esta construcción que se situaba a carón da igrexa.

Linda ó norte con Guntín, ó sur con Ribas Pequenas e Piño, ó leste con Freituxe e, ó oeste con Ver.

 San Paio ou San Pelaxo de Mosteiro é pola tanto unha parroquia que pertence ao concello de  Bóveda na provincia de Lugo e ó arciprestado de Santalla de Rei.

 

igrexa parroquial data do século XVII, sendo a súa planta rectangular construída en muros de cachotería de lousa. Mediante un arco de medio punto rebaixado accédese á capela maior a distinta altura ca nave. Parece ser que na súa orixe contaba cun pórtico columnado que rodeaba toda a igrexa.

O retablo maior é salomónico posiblemente do século XVII . Ten unha inscripción que di "ESTE RETABLO PINTOUSE DE LIMOSNA SENDO CVRA DON MANOEL Y SACO I QVIROGA ANO DE MIL Y SETECIENTOS Y VUNO""

Consérvanse esculturas de San Paio da nosa sra do Carme de  San Xoán Bautista, Santa Lucía, San Brais, San Antón de Padua e dun Frade.

 A lápida sepucral no chan do presbitero ten a seguinte inscripción: "ES DE DIEGO DIAZ DE GVITIAN I DE LA SÓMOZA I DOLORES VAZQVEZ SV MVGER VEZINOS DE MOSTEIRO" e tallado un escudo cuartelado con seis dados, unha árbore, cinco estacas e un león.

 Algunhas imaxes dalgunhas casas da parroquia no mes de maio 2018

O atractivo ambiente rural que rodea ao lugar merece unha visita para poder desfrutar das fermosas paisaxes que o envolven.

 

Artigo  relacionado Freituxe e Mosteiro en Bóveda

 

Ligazón ao mapa de Google

imprimir Correo electrónico

A CORDA DA SANTA COMPAÑA                  

.

Destaca tu Evento o Negocio     Enxebre Web