A+ A A-

Feira Guímara 2019

VI FEIRA GUÍMARA

Seis edicións coa deste 2019 nas que os veciños da Pobra do Brollón e as súas aldeas reviven a histórica revolta dos guímaros fronte os condes de Lemos, derivada dos abusos que estes levaban a cabo no territorio.
A recreación da revolta veciñal transmite unha mensaxe de liberdade fronte ao asoballamento recibido. Esixencias señoriais que os veciños non poden tolerar dado que, a diferenza doutras  terras da contorna, a Pobra era territorio de realengo, pentencente ao rei, mentres que os señoriais, xuridiscionais ou territoriais, estaban en mans dos nobres.

Pregón e Historia

Revolta Guímara

Música e Ambente

PLEITOS CONTRA OS CONDES DE LEMOS

Hai testemuñas documentais no Arquivo Real de Valladolid de máis dunha ducia de pleitos de veciños da Pobra contra o Conde de Lemos entre os anos 1480 a 1601.
A figura de Lope de Ferreiros sae ensalzada desta edición da feira, onde a poetísa Olga Novo participa aportando estes datos tan importantes para coñecer a resistencia exercida polos veciños fronte aos condes de Lemos. Lope de Ferreiros alenta aos veciños a denunciar pero como consecuencia é castigado polos condes quen logo de atacar as terras guímaras lle corta un pé sen mediar xuízo algún.
Pregoeira da VI edición Guímara

A Pregoeira

A pregoeira deste ano foi Noa Moreira, de Salcedo,  quen se ven de estrear como escritora cun libro de poemas titulado "METEORO IMANTADO".
Alcalde, Xosé Lois Maceda

O Alcalde

O alcalde do concello Xosé Lois Maceda, foi encargado de abrir a nova edición da feira presentando en público á Pregoeira deste ano e as novidades que destes feitos sacou a luz nos últmos meses Olga Novo.
Olga Novo

A Poetisa

A poetisa Olga Novo,  vén de publicar  na revista Luzes, “Amada Sombra Guímara”, onde afonda nas orixes da Pobra do Brollón e dos Guímaros. A publicación serviu  como prólogo á VI Feira Medieval Guímara e pódese acceder a ela premendo na ligazón.

ARTESANOS DO SÉCULO XXI

Panes e doces tradicionais da Pobra do Brollón ocuparon postos na Feira Guímara  xunto con outros de artesans do Coiro, da Madeira, do Barro e da Pedra.
Celia Paradela trouxo as súas creacións de pinturas sobre lousa, Jesús García as botellas con aperos de labranza no interior, José Luis Alvarez Pardo tallas en pedra e creacións enxebres de instrumentos musicais con gravacións  en madeira.
Non faltou un tear, unha cesteira  e tamén a olería de Sober da man de FIGULUS.
Demostración con aves de presa e música completaron a xornada.

No item found!

PROXECTO TERRA - MAPAS

PROXECTO TERRA